'ಸಿಸಿಎಲ್' ಕ್ರಿಕೆಟ್ ಪಂದ್ಯಾವಳಿ ಮತ್ತೆ ಶುರು ಆಗುತ್ತಿದೆ. ಈ ಡಿಸೆಂಬರ್ 24 ಮತ್ತು 25ಕ್ಕೆ ಹೈದರಾಬಾದ್ ನಲ್ಲಿ ಮೈಕ್ರೊ ಪಂದ್ಯಾವಳಿ ನಡೆಯಲಿದ್ದು, ಜೂನ್ ತಿಂಗಳಿನಲ್ಲಿ ಲೀಗ್ ಪಂದ್ಯಗಳು ಪ್ರಾರಂಭವಾಗಲಿದೆಯಂತೆ. ವಿಶೇಷ ಅಂದರೆ ಈ ಬಾರಿಯ 'ಸಿಸಿಎಲ್' ಕ್ರಿಕೆಟ್ ಪಂದ್ಯ 10 ಓವರ್ ಗಳಿಗೆ ಸೀಮಿತವಾಗಿದೆ. ಈ ಹಿಂದೆ ಇದ್ದ ಟಿ20 ಮಾದರಿಯನ್ನು ಬಿಟ್ಟು ಪಂದ್ಯವನ್ನು ಟಿ10 ಆಗಿ ಬದಲಾಯಿಸಲಾಗಿದೆ. ಈ ವಿಷಯವನ್ನು ಸ್ವತಃ ನಟ ಹಾಗೂ 'ಕರ್ನಾಟಕ ಬುಲ್ಡೋಜರ್ಸ್' ತಂಡದ ನಾಯಕ ಕಿಚ್ಚ ಸುದೀಪ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಮನರಂಜನೆ ದೃಷ್ಟಿಯಿಂದ ಪಂದ್ಯವನ್ನು 10 ಓವರ್ ಗಳಿಗೆ ಇಳಿಸಲಾಗಿದೆಯಂತೆ. ವೇಗದ ಆಟ ಈ ಬಾರಿ ಇದ್ದು ನೋಡುಗರಿಗೆ ಅಷ್ಟೇ ಮಜಾ ನೀಡಲಿದೆ. ಈ ಬಾರಿ ಏಳನೇ ಆವೃತ್ತಿಯ 'ಸಿಸಿಎಲ್' ಪಂದ್ಯ ನಡೆಯಲಿದ್ದು, ಕನ್ನಡ, ಹಿಂದಿ, ತಮಿಳುಮ ತೆಲುಗು ಸೇರಿದಂತೆ ಭಾರತ ಚಿತ್ರರಂಗದ ಅನೇಕ ದೊಡ್ಡ ಸೆಲೆಬ್ರಿಟಿಗಳು ಭಾಗಿಯಾಗಲಿದ್ದಾರೆ. <br /> <br /> Celebrity cricket league has transformed for the good and the new rules and regulations are nothing but pure entertainment
